EMETOFOBIA
Shumica e individëve nuk i pëlqejnë të
vjellat dhe kjo është normale por kur këto të vjella mbizotërojnë mendimet e
tyre duke tejkaluar limitin e të mënduarit themi se kemi të bëjmë me një situatë
e cila duhet eksploruar. Këtë gjëndje ne e quajmë Emetofobi.
Emetofobia është një fobi shumë
specifike e cila përfshin një frikë irracionale dhe shumë ekstreme ndaj të
vjellave si shikimi i të vjellave , shikimi i individëve të tjerë të cilët janë duke vjellur
ose kanë vetëm ndjesi nauzeje si edhe ndaj personave të cilët janë të sëmurë
dhe mendja e individëve të cilët vuajnë nga kjo fobi specifike është gjatë
gjithë kohës në alarm kur ndodhet përballë situatave të tilla.
Ajo çfarë e bën më shqetësuese këtë
fobi është për vetë faktin se është shumë privuese dhe individët priren të përjetojnë ankth në përditshmëri.
Nga ana tjetër këta individë e gjejnë
veten shumë të angazhuar vetëm duke u shqetësuar për të vjellat dhe kjo
sigurisht është kohë e humbur shqetësuese.
Vetëm mendimi se dikush mund të vjellë
nga momenti në moment është tepër i dhimbshëm për këta të fundit.
Përsa i përket jetës dhe përditshmërisë
ky shqetësim është vërtetë shumë ndikues. Unë fillimisht do mundohem të jap
disa shembuj shumë të thjeshtë duke shkuar më pas deri në ato më specifiket.
Është privues për vetë faktin që të bën
të eleminosh vendet me shumë njerëz, të shmangësh udhëtimet ose të jesh shumë “nazeli”
ndaj ushqimeve.
Kërkon një planifikim të detajuar për mënyrën
se si duhet organizuar jeta për vetë
faktin se duhet t’i shmangemi të vjellave ose më saktë frikës irracionale se “mund
të vjellim dhe ato thjesht nuk mund të ndalojnë”
Ajo çfarë mund ta përkeqësojë situatën është
se , nëse individi mendon se do të sëmuret
, ose do ta kaplojnë të vjellat shkakton
shqetësime fizike në stomak duke e stimuluar këtë të fundit për të kryer
procesin e të vjellave .
Në momentin kur ndjehen simptomat e
para këtu hyjmë në zonën e “Ankthit”, dhe mendimet katastrofike krijojnë gjëndje
të tillë si:
-Probleme në frymëmarrje
-Palpitacione të shpejta të zemrës
-Shtrëngim në gjoks
-Sulm paniku
Një tjetër aspekt shumë i rëndësishëm që
duhet përmendur ka të bëjë në raste kur individi karakterizohet nga mendime
obsesive është se :
-Mund të vjelli dhe nëse këto të fundit
fillojnë nuk kanë “mbarim”
Në këtë fazë individi është në limitet më
të agravuara. Pikërisht ajo çfarë përmendëm më sipër ku individi i shmanget ndërveprimeve
sociale të përditëshme.
Duke e parë veten në këtë formë , të
pafuqishme shkojmë drejt:
-Vetëbesimit të ulët
-Vetëvlerësim i ulët
-Të ndjehurit i/e pafuqishëm/e
Duke shkuar më tej drejt:
-Pesimizmit
Studimet tregojnë se mund të filloje
pas një përvoje traumatike e cila lidhet me të vjellat ose edhe pa pasur një
shkak të qartë.
Vlen të theksohet se , Emetofobia është
e lidhur ngushtë me çrregullimin obsesiv-kompulsiv, pasi ndan disa nga të
njëjtat simptoma OCD.
Nga eksperienca klinike kam vënë re se
frika ndaj të vjellurit, të vjellave dhe ndjesive të nauzesë ( të cilat lidhen
me OCD) janë një formë kompulsioni përballë një obsesioni të caktuar .
“Ata do më braktisin dhe nëse unë sëmurem
ata do të qëndrojnë”
Në raste kur kjo gjëndje është e
pranishme për shumë kohë e humb cilësinë e kompulsionit duke u transformuar në
një gjëndje të vazhdueshme shqetësimi.
Po ashtu ka nje lidhje të drejpërdrejtë
edhe me Çrregullimet e të ngrënit.
Përsa i’u përket simptomave:
Normalisht siç është përmendur edhe më
lart, të vuash nga emetofobia do të thtë që individi e privon veten nga shumë
gjëra vetëm e vetëm që të mos përjetojë ndjesi nauzeje dhe të vjella.
Ndër simptomat më të shpeshta mund të përmendim:
-Frika për të udhëtuar
-Shmangia e vendeve të
cilat janë me shumë njerëz
-Shmangie e ushqimeve të
cilat janë të papëlqyeshme
-Shmangia e
supermarketeve për shkak të aromave që nxisin të vjella
-Eliminimi i ushqimeve
ose vendeve që i lidhni me të vjella
-Të ngrënëit vetëm në
shtëpi dhe me shumë kujdes
-Kontroll i vazhdueshëm
se mos është ngrënë më tepër se duhet
-Shmangia e spitaleve ku
ka njerëz të sëmurë
-Kontroll i tepër mbi
shëndetitn si p.sh matja e shpeshtë e temperaturës
-Shmangia e pijeve të
cilat shkaktojnë nauze
-Larja e tepërt e
duarve, enëve, ushqimit dhe mjeteve të përgatitjes së ushqimit
-Shmangia e aromave të
këqija si plehrat ose sendet e ndotura
-Probleme me
frymëmarrjen, shtrëngim në gjoks ose rritje të rrahjeve të zemrës kur individi
mendon për të vjella
Këto sjellje shoqërohen edhe me simptoma të shëndetit mendor, si:
1.frikë ekstreme për të parë
dikë të vjellë
2.frika ekstreme për të mos
gjetur një vend ku të vjellë
3.frika ekstreme për të mos
qenë në gjendje të ndalojë së vjelluri
4.frikë ekstreme nga mbytja
nga të vjellat
5.ankth dhe panik nga mendimi
se nuk mund të largohesh nga një zonë e mbushur me njerëz nëse dikush vjell
6.ankth dhe shqetësim kur individi
ka ndjesi nauzeje ose kur mendon për të
vjella ose do të vjelli vetë dhe që sërish hyn frika se; Nuk mund t’i ndalojë të
vjellat.
Çfarë e shkakton Emetofobinë ?
Ne dimë që fobitë specifike shpesh
zhvillohen pas një incidenti specifik.
Incidenti krijon një burim të besuar një
lidhje midis një gjëje që mund të jetë
një objekt, një situatë ose një ngjarje - dhe frikës. Prandaj trajtimi i
emetofobisë merr trajta nga më të ndryshmet por që rreth-rrotullohet tek
Çrregullimet e Ankthit.
Po ashtu studimet kanë treguar se ka një
lidhje midis emetofobisë dhe gjenetikës për vetë faktin se fillon pa pasur një
shkak të caktuar.
Por më së shumti le ta quajmë që është
një faktor i mësuar ku për shembull mund të themi se ;
Të jetosh apo të kesh një histori
familjare të fobive specifike ose çrregullimeve të tjera të ankthit mund të
rrisë rrezikun.
Vlen të thekësohet se fillesat në të
shumtën e rasteve janë në fëmijëri.
Trajtimi për Emetofobinë
Emetofobia është disi e komplikuar për t'u diagnostikuar dhe
trajtuar pasi shumë individë ashtu siç është përmendur edhe më parë përjetojnë
njëkohësisht fobi të tjera dhe çrregullime ankthi. Prandaj, është e rëndësishme
të punoni me një profesionist të specializuar të shëndetit mendor.
Trajtimi është:
-Farmaceutik
-Psikoterapeutik
Referuar atij psikoterapeutik është
jashtëzakonisht më i nevojshëm për vetë faktin se kemi të bëjmë me rrugë
neurale mendimi shumë të vjetra të cilat
mbajnë gjallë obsesionin, frikën dhe pasigurinë.
Referuar BWRT – Brain Working Recursive
Therapy, emetophobia shihet si një problematikë që ka të bëjë me identitetin
thelbësor dhe sjelljen . Pra niveli i avancuar i ndërhyrjes.
MSC.Vasmir Bogdani
BWRT Terapist i avancuar (Psikopatologji të përgjithshme dhe Identiteti thelbësor & sjellja)
CT-R për çrregullime të rënda shëndetit mendor
CBT për ankthin, depresionin dhe çrregullimet e personalitetit
Literaturë e përdorur:
Department of Behavioral
Sciences, ACTA, University of Amsterdam and Vrije Universiteit Amsterdam, The
Netherlands;
School of Health
Sciences, Salford University, Manchester, UK
Comments
Post a Comment