Çrregullimi i Ankthit të
Përgjithësuar ( GAD)
Shqetësimet e shumta të ngjarjeve
ditore por jo vetëm ,ndikon ndjeshëm në mirëqënien tonë emocionale dhe shëndetin
mendor .
Pavarësisht se ngjarjet
stresante dhe shqetësimet e ndryshme janë të zakonshme dhe gjithëpërfshirëse në
jetën e përditëshme , ato kanë tendencën të dëmtojnë. GAD-çrregullimi i anthit
të përgjithësuar përfshin një sërë shqetësimesh të cilat janë shumë të tepruara
aq sa jo vetëm që ndërhyjnë në jetën e përditëshme por dëmtojnë funksionimin e
një individi. Çrregullimi i ankthit të përgjithësuar është lodhës mendërisht
dhe fizikisht. Ndërhyn në gjumë ,lodh trupin tuaj , si dhe jep disa shqetësime
fizike.
Jo të gjithë me
çrregullime të ankthit të përgjithësuar kanë të njëjtat simptoma, por shumica e
njerëzve përjetojnë një kombinim të simptomave emocionale, të sjelljes dhe
fizike që shpesh luhaten, duke u përkeqësuar në kohë stresi.
Simptomat
emocionale të GAD përfshijnë:
Shqetësime të vazhdueshme
që kalojnë nëpër kokën tuaj.
Ndiheni sikur ankthi juaj
është i pakontollueshëm; nuk mund të bëni asgjë për të
ndaluar shqetësimin.
Mendime ndërhyrëse për
gjërat që ju shqetësojnë; përpiqeni të shmangni mendimin për to, por nuk
mundeni
Një paaftësi për të
toleruar pasigurinë; duhet të dini se çfarë do të ndodhë në të
ardhmen
Një ndjenjë e përhapur e
frikës.
Simptomat e
sjelljes së GAD përfshijnë:
Paaftësia për t'u
çlodhur, për të shijuar kohë të qetë.
Vështirësia për tu përqëndruar.
Shtyrja e gjërave sepse
ndiheni të mbingarkuar.
Shmangia e situatave që
ju shqetësojnë.
Distancimi nga të tjerët.
Shfaqja e sjelljeve
agresive ndaj vetes dhe të tjerëve.
Simptomat fizike
të GAD përfshijnë:
Ndjenja e tensionit; që
ka ngushtësi muskulore ose dhembje të trupit.
Keni probleme në gjumë ( nuk
ju zë gjumi) ose duke qëndruar në gjumë sepse mendja juaj nuk lejon përqëndrimin.
Ndiheni i mërzitur, i
shqetësuar ose i lëkundur.
Probleme në stomak, të
përziera, diarre.
Është shumë e rëndësishme
trajtimi i këtij çrregullimi pasi këto simptoma në të shumtën e rasteve agravohen
duke “ngjallur” një sërë problemesh të tjera.
Trajtimi është i
rekomandueshëm nga dhe ofrohet nga specialist të shëndetit mendor.
Për arsye se individët
priren të “vetëkurohen” ,në këtë artikull nuk jepen shembuj trajtimi por rekomandohet
konsultimi me një profesionist.
Mos harrojmë se mirëqënia
jonë varet nga shëndeti mendor…
Kërko Ndihmë!
Msc: Vasmir Bogdani
BWRT Therapist
Comments
Post a Comment